Tuneli te “Shqiponja” hapet pa u asfaltuar plotësisht

By Redaktor 16 Mars, 2021 19:56

SIGMA VIENNA INSURANCE GROUP 0 05.Shk

Fushata elektorale dhe presioni i medias duket se ka përshpejtuar hapjen e tuneleve në ish-sheshin “Shqiponja”. Mesnatën mes të hënës dhe të martës është hapur tuneli nr. 4 i nënkalimit, i cili do të shërbejë si një portë dalëse për makinat që shkojnë nga Tirana në drejtim të Durrësit. Gjatë një vrojtimi në këtë segment mesditen e së martës, duket se punimet vijojnë ende brenda tunelit si dhe jashtë tij. Sipas punonjësve, në këtë tunel ka përfunduar rreth 75 % e punës, por do të vazhdojnë akoma ndërhyrjet, si hedhja e shtresës së dytë të asfaltit dhe disa rregullime të tjera. Gjithashtu pritet që javën e ardhshme të bëhet edhe hapja e tunelit nr.3.

Ndërkohë, kujtojmë këtu se e gjithë vepra pritet të përfundojë në vitin 2023, por afrimi i datës së zgjedhjeve dhe gara e nxehtë politike duket se ka përfshirë edhe projektin e unazës së re.