23.04.2021

Related Articles

• 26.02.2020 0 26.Shk
• 18.04.2021 0 18.Pri
• 27.02.2020 0 27.Shk

Fushata elektorale e dy partive kryesore në vend është mbyllur ditën e sotme, ku kryeministri Edi Rama zgjodhi Durrësin dhe Vlorën për mitingun përmbyllës ndërsa lideri demokrat Basha ishte në Elbasan dhe Tiranë për të bërë thirrjen e fundit mbi votën e 25 prillit.

Disa video-përgjime të transmetuara në emisionin “Breaking” në Top News, tregojnë pazaret për blerjen e votës nga kandidati LSI-së për Tiranën, Etjen Joka.

Kandidati për deputet i PD-së në Dibër, Xhelal Mziu është proceduar penalisht nga policia me akuzën për kërcënim dhe nxitje dhune pas deklaratës së djeshme ku ai tha se do përsëritet ngjarja e Elbasanit ndonëse më vonë e tërhoqi këtë deklaratë duke kërkuar falje.

Prokuroria e Posaçme “SPAK” ka nisur hetimet për shit-blerjen e votës pas denoncimeve dhe publikimeve të disa rasteve të krimit zgjedhor.

Të vaksinuarit janë ri infektuar sërish me Covid-19 edhe pas marrjes së dozës së parë të vaksinës ndërkohë që këtë e pohojnë edhe ekspertët, por sipas tyre pacientët nuk kanë pasur gjendje të rënduar si dhe ky fakt nuk lidhet me efektivitetin e vaksinës.

Autoritetet e Drejtësisë turke kanë kërkuar ekstradimin nga Shqipëria të biznesmenit  turk Fatih Faruk Özer pasi akuzohet për mashtrim duke përdorur sistemet teknologjike që arrijnë shumën e rreth 2 miliardë dollarëve.

Kryeministri grek Mitsotakis ka kërkuar të takohet me presidentin turk Erdogan për të gjetur një zgjidhje mbi mosmarrëveshjet dhe për të ulur tensionet midis dy vendeve.