18.04.2021

Related Articles

• 25.02.2020 0 25.Shk
• 27.02.2020 0 27.Shk
• 12.04.2021 0 12.Pri

Mediat zvicerane i bëjnë jehonë vjedhjes së të dhënave personale të qytetarëve nga zyrat e PS-së ndërsa e kanë cilësuar Edi Ramën si diktator që po përdor frikën dhe terrorin për të mbajtur peng pushtetin.

Aeroporti i Kukësit pret fluturimin e parë inaugurues por ndryshe nga çfarë u premtua, që linja do ishte direkt nga Londra, avioni i “Air Albania” bëri ndalesën e parë tranzit në aeroportin e Rinasit për t’u nisur pastaj drejt Kukësit.

Fushata elektorale e ditës së sotme e dy liderëve politikë Rama dhe Basha ka pasur si qendër veriun e Shqipërisë, ku të dyja palët shpalosën programin e tyre ndërkohë që ka mbetur vetëm një javë nga zgjedhjet parlamentare të përgjithshme.

KQZ u ka dërguar letër dy partive kryesore në vend për zbatimin e ligjit mbi materialet propagandistike si dhe heqjen e posterave nga institucionet publike.

50 mijë doza të vaksinës “Astra Zeneca” kanë mbërritur këtë të diel në vendin tonë ndërsa ministrja e Shëndetësisë Ogerta Manastirliu bëri me dije se priten të vijnë të tjera vaksina në javët në vijim.

Greqia po përballet me një situatë alarmante nga Covid-19, ku numri i të vdekurve dhe infektimeve ditore janë në ritmet më të larta se gjatë gjithë periudhës pandemike.

Presidenti serb Aleksandër Vuçiç deklaroi se është kundër dokumentit slloven që propozon ndryshimet e kufijve në Ballkan, pjesë e të cilit është edhe bashkimi i Kosovës me Shqipërinë.