15.03.2021

By Redaktor 15 Mars, 2021 19:57

Ditën e sotme kanë mbërritur rreth 9 mijë doza të vaksinës “Pfizer” në Shqipëri, ndërsa ministrja e Shëndetësisë, Ogerta Manastirliu u shpreh se ky kontigjent garanton vijueshmëri normale të vaksinimit.
Gjykata la në burg 4 të dyshuarit për vrasjen e Behar Sofisë, nga të cilët ekzekutori Ernejt Shqyti, nuk ka pranuar të flasë, kurse 3 të tjerët mohuan të kishin lidhje me ngjarjen.
13 vite nga shpërthimi i Gërdecit dhe asnjë fajtor për tragjedinë, familjarët e viktimave kërkojnë drejtësinë e munguar për këtë krim.
Në 30 vjetorin e rivendosjes së marrëdhënieve diplomatike mes Shqipërisë dhe SHBA-së, zëdhënësi i departamentit amerikan të shtetit Ned Price u shpreh se SHBA- ja do jetë një aleat i Shqipërisë edhe për 30 vitet e ardhshme.
Presidenti Ilir Meta ka demostruar prova dhe dokumenta të tjera në lidhje me atë që ai e quan presion i jashtëligjshëm i Bashkisë ndaj partisë opozitare Fryma e Re Demokratike.
Kryeministri Edi Rama ka vazhduar fushatën në Lezhë me premtime në fushën e arsimit, ndërkohë që nuk ka asnjë reflektim për rezultatet në këtë sektor në 8 vitet e qeverisjes së tij.
Partia e sapodalë nga zgjedhjet në Kosovë, Lëvizja Vetëvendosje e Albin Kurtit, ka nisur bisedimet me partitë e tjera të vendit për krijimin e qeverisë dhe institucioneve të reja.