11.04.2021

Related Articles

• 27.02.2020 0 27.Shk
• 23.04.2021 0 23.Pri
• 21.04.2021 0 21.Pri

Komiteti Teknik i Ekspertëve ka vendosur lehtësimin e masave anti-kovid, duke filluar nga nesër në 12 prill me zgjatjen e fashës orare me dy orë më tepër si dhe rihapjen e fluturimeve me Britaninë e Madhe.

Arrestohet 44-vjeçarja nga Dibra pasi akuzohet se ka vrarë me thikë vjehrrën e saj në orët e vona të së shtunës pas një debati familjar midis tyre.

Droga e sekuestruar në Portin e Durrësit (149 kg kokainë) dyshohet se ishte porositur nga 3 grupe të ndryshme kriminale.

Kryeministri Edi Rama gjatë një takimi elektoral në Tiranë, kërkoi të lidhte numrin 12 të fletës së votimit me vitin 1912 të shpalljes së pavarësisë, ndërsa kryetari i opozitës Lulzim Basha gjatë takimit me gratë në Burrel tha se Edi Rama i frikësohet një debati publik me të mbi premtimet e pambajtura.

Banorët e një pallati në Tiranë kanë kaluar orë paniku dhe janë evakuuar nga zjarrfikësit kur djegia e një makine në parkingun e pallatit shkaktoi shtëllunga tymi dhe frikë për përhapjen e flakëve.

Vendet europiane po bëjnë përpjekje për të përshpejtuar ritmet e vaksinimit në kushtet e pamjaftueshmërisë, ndërsa numri i të prekurve ka kapur rekorde të reja në shkallë globale.

Aleatët e NATO-s janë shprehur kundër lëvizjeve destabilizuese të Rusisë si dhe i bëjnë thirrje Moskës të ulë tensionet dhe të largojë trupat e saj nga kufiri me Ukrainën.