09.04.2021

By Redaktor 9 Prill, 2021 19:18

17.04.2021 0 17.Pri
14.04.2021 0 14.Pri
16.04.2021 0 16.Pri

Normalizohet situata në aeroportin “Nënë Tereza” dhe nisin fluturimet për pasagjerët ndërsa përgjatë këtyre dy ditëve kontrollorët u zëvendësuan nga punonjës turq e grekë si dhe ditën e sotme janë kthyer disa nga kontrollorët që ishin pjesë e grevës.

Zbulohet një laborator kanabisi në fshatin Gjorm të Kurbinit dhe bie në pranga 24 vjeçari Vranicku Hisku ndërsa është shpallur në kërkim drejtori i kadastrës së Kurbinit.

Mbyllet spitali Covid-4 në Tiranë për shkak se është ulur numri i të intubuarve dhe gjithashtu ka rënë ndjeshëm numri i infektimeve ditore kurse vijon normalisht procesi i vaksinimit në vend.

Gara elektorale vazhdon me premtime nga liderët politikë ku Rama premton ujë 24 orë dhe vaksinim masiv të popullsisë e nga ana tjetër kundërshtari i tij, kryetari i opozitës Lulzim Basha shpalos programin për bujqësinë si dhe fton socialistët të bëhen pjesë e partisë së tij.

Ekzekutohet në një atentat mafioz para banesës së tij gazetari i njohur grek Giorgios Karaivaz, i cili investigonte botën e krimit dhe të mafias në Greqi.

Ndahet nga jeta në moshën 99 vjeçare princi Philip, Duka i Edinburgut dhe bashkëshorti i mbretëreshës së Anglisë, Elisabeta II.

Në aktivitetin e USAID-it “Drejtësi për të gjithë”, ambasadorja amerikane Juri Kim deklaroi se SHBA-ja do të mbështesë Shqipërinë për reformën në drejtësi dhe anëtarësimin e saj në BE.