Hakerat sulmojnë portalin unik ballkanik të financuar nga BE-ja

Related Articles

• Duhet ta pranojmë: na kanë mundur! 0 08.Gus
• Mashtrimi me suplementet çudibërëse, një call center në Bosnjë fut në kurth pacientët 0 01.Mar
• Të dënuarit neglizhohen, miliona euro dëmshpërblim për shëndetin e dëmtuar në burg. 0 23.Mar

Sulmohet platforma e medias që kontribuon për komunikimin në ballkan. Nëpërmjet një komunikate për shtyp, drejtuesit e projektit të mbështetur nga Fondi Europian për Ballkanin dhe Lëvizjes Europiane në Serbi, bëjnë me dije se faqja zyrtare e këtij projekti, “Vicinity Chronicles” ka qenë nën sulme të vazhdueshme hakerash.

“Ne supozuam se sulmi në faqen tonë “Vinicity Chronicles” nuk ishte i qëllimshëm, megjithatë, me gjithë masat e marra dhe mirëmbajtjen e rregullt të faqes, këto sulme përsëriten vazhdimisht, kështu që gjithçka flet në favor të dyshimit të bazuar, se portali ynë është cak i dikujt”, shkruhet në deklaratën e drejtuesve të projektit.

Vicinity Chronicles është një portal unik dhe i vetmi i këtij lloji, ku çdo javë publikohen tekste të autorëve nga të gjitha vendet e Ballkanit Perëndimor, ku shprehen pa censurë pikëpamje të ndryshme për të njëjtat tema. Që në fillim, të gjithë autorët i kanë paraqitur pikëpamjet e tyre në mënyrë të qytetëruar, pa fyer të tjerët. Ne besojmë se “Vinicity Chronicles” është një shembull i rrallë i një mënyre të dëshirueshme për dialog dhe një promovues i një kulture të dialogut që, për fat të keq, pothuajse nuk ekziston në këto zona, por edhe një hapësirë ​​për të shprehur lirshëm pikëpamjet, pavarësisht nëse pajtohen me grupet në pushtet në cilindo nga këto vende.

“Është e trishtueshme që liria e fjalës dhe e mendimit e shqetëson dikë deri në atë masë, saqë një projekt, misioni i të cilit është afrimi dhe mirëkuptimi, mund të shkaktojë një rezistencë të tillë. Autorët e këtyre sulmeve është e qartë se nuk i kuptojnë proceset në të cilat ne jemi pjesë, për çka na mbetet vetëm të pendohemi”, vazhdon më tej komunikata për shtyp.

Kujtojmë një vit e gjysmë më parë, kur llogaria e “Vicinity” në Twitter u ndërpre përgjithmonë, pa asnjë mundësi rikthimi të saj. Të dy këto ngjarje, padyshim nuk janë të rastësishme, por siç e thamë atëherë, kjo as nuk do të na trembë e as nuk do të na ndalojë. Ne do të vazhdojmë të promovojmë të gjitha vlerat në të cilat besojmë, që “shpërthime” të tilla të mbeten në pakicë dhe që qytetarët e rajonit të mos mbeten peng i kalkulimeve politike ditore që na tërheqin jo vetëm larg anëtarësimit në BE, por edhe nga vlerat pa të cilat është e pamundur të imagjinohet një shoqëri demokratike.